Еве една вест која е позитивна најава за иднината – брод тргна на 6 годишно патување, во кое нема воопшто да ја загади околината и згора на тоа, сам ќе го произведува потребното гориво.
Бродот веќе тргна од Париз претходната сабота, а целиот проект чини 5 милиони евра.
Нормално, главниот извор на енергија на бродот ќе биде соларната. За таа цел, тој е скоро целосно покриен со соларни панели, кои се главниот извор на енергија додека бродот плови преку ден.
Сепак, тука нив им помагаат и турбините кои работат на ветер (кој го има многу на отворено море) и кои исто така произведуваат енергија која го придвижува бродот.
Но, сигурно се запрашавте, како овој број плови ноќе – турбините сигурно не се доволни за тоа? Точно, затоа ноќе овој брод ги користи резервоарите со водород, кои преку горивните ќелии произведуваат електрична енергија, која потоа ги напојува електричните мотори. И најдоброто од се е што водородот се добива од морската вода преку електролиза, со дел од енергијата која се добива од соларните панели и ветерниците.
Интересно, овој брод не е воопшто нов – идејата за него потекнува од 1983 година и тој веќе е користен во неколку трки на отворено море. Сепак, тој сега е под капа на “Energy Observer” проектот, каде според мене му е вистинското место.
Бродот инаку е долг цели 30,5 метри, што значи дека може да смести и многу патници на палубата, нешто што и не е често кај супер еколошките превозни средства.
Извор: Fox News, Washington Post, Business Insider