Blockchain – револуционерна технологија која ќе го смени светот
Од 22 до 25 септември Weekend Media Festival нема да биде само место каде што ќе се претстават интересни говорници и гости, туку и платформа за претставување на најновите идеи. Едно од таквите е и револуционерната технологија „blockchain“ во која денес банките и инвеститорите најмногу вложуваат.
Можете ли да замислите свет во кој матичниот извод, венчаниците или секој друг документ можете да го добиете во било кој момент, било каде и бесплатно? Или свет во кој парите до вашиот пријател во Канада ги префрлате исто така бесплатно ? Овој свет е можен преку blockchain технологијата која зад себе ја крие универзалната интернет валута bitcoin. Иако најпознатата примена на blockchain е во валутите, можностите кои нејзиниот развој ги овозможува се далеку поголеми и имаат потенцијал да целосно го променат светот околу нас. Банките и разните фондови веќе имаат инвестирано милијарди долари во развојот на blockchain.
Топ 40 од финансиските институции моментално вложуваат многу во blockchain технологијата затоа што таа овозможува сигурен и транспарентен начин на следење на сопственоста, ги забрзува трансакциите и го намалува ризикот од измами. Иако се’ уште не постојат јасни стандарди во врска со blockchain технологијата, во blockchain мрежата може да се вклучи секој со персонален компјутер или мали групи на познатите ентитети кои ќе одлучат да учествуваат. Blockchain механизмот на познава граници, а учесниците можат без проблеми да комуницираат едни со други.
Кои се можносттие на blockchain? Кој се занимава со blockchain? Како тој функционира ? И најважно, како тоа ќе влијае на вашиот живот ? Сетоа тоа ќе ни го открие овој интересен панел кој претставува важен дел од 9-тиот Weekend Media Festival, најголемиот комуникациски фестивал во југоисточна Европа кој се организира под генералното покровителство на Адрис групата во прекрасниот Ровињ.
