Секое лето, најголемото име во светот на технологијата одржува посебна конференција наречена Worldwide Developer Conference (WWDC), на која се зборува за иднината на нивните софтверски решенија и сервиси. Конференцијата е пред сѐ наменета за дивелоперите, но на јавноста најчесто и открива што е наредно во светот на iOS и Mac OS.
Во стил на Apple, очекувајте скоро сите поважни луѓе во компанијата да продефилираат на сцената и да претстават многу иновативни решенија и промени кои ќе пристигнат во нивните еко системи. Конференцијата трае од 5-9 јуни, додека заинтересираните може да се пријават на 27 Март.
Сепак, ќе мора да сте дел од Apple Developer Program или Apple Developer Enterprise Program, додека извлекувањето на оние кои ќе присуствуваат се врши преку случаен избор. Оние пак кои ќе учествуваат, ќе мора да платат 1.599 долари, средства кои ќе бидат одбиени од кредитната картичка на корисникот откако тој ќе биде избран за настанот.
Apple инаку има прилично интересна најава за оваа конференција. Тие накратко кажаа дека технологијата мора да се вкрстува со либералните уметности и да го води општеството напред, најавувајќи дека летово ќе донесат илјадници брилијантни умови, претставувајќи различни перспективи, пасии и таленти кои ќе помогнат да се промени светот. Јас тука читам многу протест за најавата на Трамп дека ќе ги затвори границите за неколку муслимански земји, иако тоа не е директно кажано.
Извор: The Next Web, NDTV, WWDC
