На 21-ви март 2006 со објавување на првиот твит во светот, основачот Џек Дорси ја започна социјалната мрежа која го промени начинот на објава на работите, а денеска е една од најкористените.
just setting up my twttr
— Jack (@jack) March 21, 2006
Познати по ограничувањето од 140 карактери во објавите, Twitter се проби како социјалната мрежа на којашто луѓето одат кога сакаат нешто брзо да дознаат. Преносите на одредени важни настани во живо се меѓу повеќе познатите намени на мрежата, нешто што остана една од главните карактеристики до денес.
Иако се’ уште важи за една од неколкуте главни, па може да се каже и единствени социјални мрежи, Twitter сепак се соочува со проблеми. Facebook се повеќе успева да се наметне како главната платформа за скоро сите видови на објави, па не може да се каже дека Twitter не трпи од оваа ситуација.
За својот „роденден“ Twitter спреми видео во коешто се истакнуваат главните предности за кои се користи оваа мрежа.
Starting in ?? on 3/21 and moving across the ?, we thank you for 10 incredible years.
Love, Twitter#LoveTwitterhttps://t.co/pH4WWdgK6q
— Twitter (@twitter) March 20, 2016