OneDrive for Business како што кажува и самото име е сервис од познатото решение за складирање на податоци во облакот (cloud) наменет за бизнис корисниците. За разлика од бесплатниот простор од 7GB, со месечна претплата од 2,5 долари по корисник, се довива по 25GB простор. Од оваа недела преку Office блогот, од Microsoft известија дека го зголемуваат овој простор на 1TB без промена на цената.
Покрај зголемување на просторот за OneDrive for Business корисниците, 1TB простор добиваат и корисниците на Office 365 ProPlus, како дел од нивната претплата која што веќе ја плаќаат за овој сервис. Исто така од Microsoft нудат помош за префрлување на фајловите од другите сервис на OneDrive.
Можеби ова зголемување изгледа огромно, меѓутоа треба да се земе во предвид дека најголемиот број од корисниците нема никогаш да го достигнат максимумот, па дури ни приближно. Сепак зголемувањето на придобивките кои што ги добиваат корисниците секогаш е добредојдено и позитивно влијае на зајакнување на конкуренцијата од која што на крајот тие имаат корист.
Извор: Office Blogs
