Според информации од повеќе корисници и веб страни, Кина повторно е вест поради блокирање на пристапот на нејзините граѓани до одредена страна. Овој пат блокирана е позната блог платформа Medium.
Официјални информации за блокирањето нема, односно до заклучокот е дојдено преку направени тестови. Поради тоа, нема ни информации поради која причина е блокирана оваа страна којашто со години можеше да функционира во Кина без проблеми.
Според некои информации, причината може да е поврзана со промените кои ги воведе Medium со кои им се овозможува на блогерите да можат да заработат од платформата.
Еден од начините на којшто ќе биде овозможена заработката можеби може да дозволи пристап до одредена содржина која досега била блокирана во земјата, па ова затоа се наведува како можна причина за блокирањето.
Се разбира, како причина секогаш е содржината којашто е достапна на одредена страна. Земјите со политички системи како во Кина, не се баш склони кон оставање на целосна слобода на интернетот, нешто што е основата на оваа технологија.
Извор: TNW, TechInAsia
