Доколку поради некоја причина не сакате или не можете да ја користите Instagram апликацијата на вашиот мобилен, отсега ќе можете да објавувате слики на социјалната мрежа преку нејзината мобилна веб страна.
Досега мобилната веб страна во главно овозможуваше прегледување на сликите и известувањата, па сега истата може да претставува и до одреден степен замена за главната апликација.
Оваа можност сепак доаѓа со одредени ограничувања, па не очекувајте да претставува целосна замена за апликацијата. Поточно, објавувањето на сликите може да се прави, но не може да се додаваат филтри, а исто така не е можно и објавување на видео содржина.
Оваа промена е направена со цел да им се овозможи што поголема достапност на корисниците, на се повеќе популарната социјална мрежа.
Причината поради која би можеле да сакате да објавувате преку мобилната верзија, наместо преку апликацијата е слабиот мобилен телефон на којшто веќе немате доволно ресурси за повеќе апликации. Доколку Instagram не е нешто што редовно го користите, а сепак од време на време сакате да објавите по некоја слика, ова е одличен начин да го направите истото, а апликацијата да ја избришете.
Мобилната веб страна од Instagram изгледа исто како апликацијата, па дефинитовно може да заврши работа како привремена замена.
Извор: The Verge
