Се’ уште неофицијално, информациите говорат дека од Instagram моментално тестираат и планираат да пуштат нова можност на својата апликација која ќе им овозможи на корисниците да споделуваат повеќе слики одеднаш.
Новата можност е забележана од страна на дечките од DroidLife, а пуштањето кај ограничен број на корисници обично е начинот којшто се користи за тестирање на скоро готова функција која треба да биде пуштена за сите.
Ваквата можност сигурно ќе биде одлично прифатена од страна на корисниците. Мрежата е навистина популарна и корисниците се почесто ја користат за споделување на нивните моменти.
Можноста да се стават повеќе слики, без притоа да им станете досадни на пријателите е одличен додаток на мрежата којшто ќе го ценат не само тие кои постираат слики.
Според информациите, корисниците ќе можат да објават до 10 слики одеднаш, како еден вид на албум.
Сепак, да оставиме информацијата да стане официјална пред да почнеме да ги планираме нашите наредни објави, а посебно поради фактот што не сите тест функции стигаат до официјалната верзија.
