Со оглед на огромната бројка од скоро 1 милијарда корисници на Messenger, коишто не ретко споделуваат линкови преку оваа апликација, очекувано беше дека Facebook ќе се реши да нивните Instant Articles ги овозможи и на оваа апликација.
За потсетување, Instant Articles е можност за издавачите на содржина, својата содржина наместо само на нивната веб страна, ја објават и директно на Facebook, односно на нивните сервери. Со тоа се овозможува да при отворањето на линкот, корисникот на мобилен да ја добие статијата од Facebook, наместо до страна на објавувачот, а кога на тоа ќе се додаде и поедноставната форма на оваа страна, отворањето преку станува значително побрзо, до 10 пати според компанијата.
Статиите кои се достапни преку Instant Articles се означени со мала икона од молња во горниот десен агол. Исто како на главната Facebook апликација, по притискање на линк во Messenger којшто води до Instant Article, корисникот ќе ја види статијата во самата апликација, а истата ќе биде отворена „инстантно“.
За почеток оваа можност ќе биде достапна за корисниците на Android, а iOS ќе следи по некоја недела. Како и обично, нема повеќе информации за Windows 10 верзијата, меѓутоа со оглед на тоа што истата е направена на основа на iOS верзијата, може да се очекува поддршка и за оваа платформа, ако не веднаш, тогаш во наредните месеци.
Извор: Facebook