unspecified-11

Android TV 6.0 наскоро ќе почне да се вградува во многу повеќе нови телевизори од производители како Sony, Sharp, Beko, Grundig и Vestel, а за оние кои веќе имаат телевизор без Android TV, Xiaomi 4K Mi Box може да е идеалниот уред.

Уредот е всушност носител на Android TV 6.0 платформата на I/O конференцијата на Google и е еден од првите вакви уреди со целосна 4K поддршка за телевизорите со Ultra HD резолуција. Mi Box има процесор со четири јадра, Mali 450 графика и 2 GB рам меморија, како и 8 GB простор, кој може да се прошири со стик преку вградениот USB влез.

Благодарение на HDMI 2.0a излезот за видео, телевизискиот уред на Xiaomi може да продуцира 4K видео на 60 Hz со HDR поддршка, што значи дека филмовите и фудбалските натпревари нема да треперат и сецкаат како што е тоа случај со HDMI 1.4a стандардот, кој поддржува само 30 Hz. Исто така, уредот поддржува и 7.1 опкружувачки звук.

nexus2cee_mibox-2_thumb

Mi Box инаку доаѓа со Bluetooth далечински управувач, кој поддржува говорни команди кои може да се искористат за лансирање на апликации, пуштање на одреден филм, но и за прашања од типот „Кој е овој глумец?“

Далечинскиот управувач може да се користи и како контролер за игри компатибилни со Android TV, но за оние кои сакаат целосно гејмерско искуство, Xiaomi ќе го понуди и Mi Game Controller џојстикот.

Цената на Xiaomi 4K Mi Box сѐ уште не е објавена, но се надеваме дека ќе биде достапна за поголем број на купувачи и дека уредот ќе може да се купи и кај нас.

Покрај Android TV 6.0 платформата, Google на I/O најави и дека Google Cast платформата отсега ќе се вградува во голем број на нови телевизори. Се работи за истата можност што ја има Chromecast уредот, односно пуштање на содржини од вашиот паметен телефон на телевизорот.

Извор: The Verge, TechCrunch, Android Police

Претходна статијаGoogle Daydream е нова платформа за виртуелна реалност која ќе пристигне со Android N
Следна статијаGoogle разви нов TPU чип за „Вештачка Интелигенција“, кој има перформанси кои не носат 7 години во иднината