Тужба против Apple поради користење на просторот од 16GB за оперативниот систем

Напишано на 02.01.2015 - 13:13 од Мишо Лекиќ

iphone_6_and_6_plus_rear_camera_hero

Повеќето корисници најверојатно знаат дека просторот за складирање на податоци со кој што доаѓаат уредите се користи и за инсталирање на оперативниот систем, како и одредени апликации од страна на производителот, а често и од операторот.

Бројот на гигабајти кој што е означен на спецификациите од уредот се однесува на вкупната достапна бројка, односно видот на меморија, а не на достапниот простор при купување на производот.

Оваа практика кој што важи за сите производители, не само за Apple, е до некаде дискутабилна. Колку и да се запознаени со ова корисниците, сепак тие кога ги гледаат спецификациите за уредите, не ретко го забораваат овој факт. Потоа помалиот простор може да претставува проблем за одредени корисници, посебно за тие кои што имаат купено уред со 16GB меморија или и помалку.

Обично оперативниот систем не намалува многу од достапниот простор, па корисниците најчесто и не ни го забележуваат истото. Меѓутоа во одредени случаи тоа може да биде и многу повеќе. На пример, доколку купите Microsoft Surface Pro 3 со 64GB меморија, за користење ќе ви бидат достапни само 37GB.

Двајца корисници на iPhone сепак сметаат дека ваквата практика на производителите не треба да биде дозволена, па тие се имаат решено да поднесат тужба против Apple. Тужбата се однесува на помалиот простор со кој што доаѓаат iPhone 6 моделите со 16GB меморија, а посебно за постарите модели кои што се надградени на iOS 8.

Дека iOS 8 зафаќа нешто повеќе простор се дозна кога системот стана достапен за надградба, па доста корисници не можеа да го надградат својот уред поради недостаток на простор за симнување на инсталациониот фајл.

Двајцата тужители исто така вклучуваат во тужбата и дел за дополнителниот простор кој што им е достапен на корисниците преку iCloud. Според нив, Apple вешто имаат направено да во одредени итни моменти корисниците кога немаат доволно простор да сликаат на пример, единственото решение кое што го имаат е да платат за поголем простор на cloud сервисот iCloud.

Вакви тужби не се случуваат првпат за ваква работа, а не е ни првпат Apple да бидат тужени за ова. Доколку се земе во предвид досегашното искуство, оваа тужба не би требало да помине, но останува да видиме.

Какво е вашето мислење за помалиот достапен простор од вкупната меморија на уредот? Дали тоа некогаш ви има претставувано проблем во одредена ситуација ?

Извор: The Verge, Macworld

За Авторот

Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.

  • mite

    I jas se soglasuvam so dvajcata tuziteli.Toa ti e isto kako da kupis avtomobil od 2000 kubici ,a da dobies 1700 ili 1500kubici.I jas go imam istoto iskustvo so android os na HTC sensation xe.Bi trebalo cistiot prazen prostor na memorija da bide prikazan.

    • Borce Kiroski

      тие двајца се во право затоа што корисат и уред и оперативен од иста компанија која треба да го предвиди тоа. Додека ти не си во право затоа што купуваш уред од една компанија а ОС од друга во случајот Google, така да ти имаш избор а тие немаат.

      • Stefan Baltov

        Ок е тоа Борче, но што со Nexus уредите на Google? На пример имам Nexus 5 16GB, но user available се само 12. Google тоа го знае, и тука се веќе на иста бранова должина со Apple во однос на слободната меморија во телефоните.

        • Borce Kiroski

          овде си делимично во право, ама Google не го спрема само за своите уреди.

          • Stefan Baltov

            Точно е дека Google не го спрема само за Nexus уредите, ама работата е зошто не спремил досега таков Android, па останатите телефони кои работат на Android нека бидат оптимизирани од нивните компании.

        • NeEVazno

          epa bratce,kolkav e upgrade na nexus 5? tvrdam deka ne e povekje od
          77 Mb,so znaci vaznoto e so mozes da go nadgradis tvojot nexus 5 so
          najnoviot os,normalno,ako pasira na tvojot ured,zatoa e apple tuzen…
          zatoa sto upgrade pasira na site uredi a nema dovolno memorija za da se
          stavi,pa jas bi odlepil….. go imam nanoviot 5.2.3 koj zafakja celi 7.6
          Gb,i mozammda ti kazam deka duri na pocetokot pomisliv deka e nekoj
          win,izleze androidot…. ne e mal,ama zatoa mojot ured ima 2 particii od
          16 Gb a one claud ima celi 50 GB…tie so koristat iphone 6 se za mene
          prosti ljuge… pozz