Според се’ уште непотврдените информации кои излегуваат на интернет, iPhone 8 се очекува да за првпат користи OLED екран. За предностите на овие екрани доволно е да ги земеме како пример Samsung уредите, за да ни стане јасно зошто и Apple би се одлучиле да почнат да ги користат.
Информациите исто така говорат дека производител на екраните за новиот iPhone 8 ќе биде токму Samsung кои имаат стигнато можеби најдалеку во нивниот развој, а дефинитивно имаат најголемо искуство.
Од порталот DigiTimes тврдат од Samsung Display имаат ветено целосна поддршка за Apple во доставувањето на OLED екраните, но и покрај тоа, само 3 до 4 милиони уреди би биле спремни веднаш по претставувањето на iPhone 8.
Со оглед на фактот што Samsung има свои уреди кои мора да ги опреми си ваков екран, не е чудо што компанијата нема да биде во можност веднаш да одговори на барањата на Apple.
Сепак, кога подобро ќе размислиме, ова може и позитивно да влијае на подоцнежните продажби на iPhone 8 кој на овој начин ќе стане поредок и доста баран производ поради тоа.
iPhone 8 се очекува да биде претставен оваа есен, заедно со новите генерации на 7ците. Осмицата треба да биде јубилејниот телефон за 10 годишнината од претставувањето на првиот iPhone уред.
Извор: DigiTimes, TechnoBuffalo
