Енди Рубин, еден од креаторите на Android, во март оваа година излезе на Twitter со мал „тизер“ за телефонот на којшто работи неговата нова компанија Essential.
Сликата којашто ја објави на Twitter укажуваше на тоа дека главната карактеристика на телефонот треба да биде малата рамка околу екранот, на сите страни од уредот. Ова е нешто што досега конкуренцијата го нема направено, односно обично телефоните со мали рамки, сепак имаат нормална рамка на долниот или горниот дел.
Доколку ова е вистина, новиот телефон од Essential треба да предизвика голем интерес кај корисниците, а со тоа да ја раздвижи и конкуренцијата.
Hi, welcome to our Twitter page. We’re here to let you know something big is coming May 30th! Stay tuned…
— Essential (@essential) May 25, 2017
Како навистина ќе изгледа овој уред можеби ќе дознаеме утре, односно на 30ти мај, како што истакнува твитот од Essential. Твитот истакнува дека нешто големо доаѓа на 30ти мај, па не гледаме што би можело тоа да биде освен новиот смартфон.
Уште еден твит укажува на тоа дека се работи за очекуваниот смартфон. Прикажана е слика на која поради затемнувањето се гледаат само контурите на рака и телефон.
We heard you @renan_batista – here’s something to hold you over until next week: pic.twitter.com/QSIeXyjKNq
— Essential (@essential) May 25, 2017
Она што е уште поинтересно е горниот дел од уредот, на којшто се гледа дека ќе има некаков додаток, а дечките од Engadget со осветлување на сликата откриваат дека се работи за камера, која најверојатно ќе биде наменета за снимање на 360 степени видеа.
Од уредот дополнително се очекува да биде од високата класа, односно соодветно да има појаки компоненти.
30ти мај е утре, па нема да треба долго да чекаме да видиме што интересно ќе биде претставено од Рубин и дали вреди за „фамата“ која се обиде да ја крене.
