По фантастичниот успех на релансираната Nintendo NES Classic конзола, која и самиот пробав и не успеав да ја купам од интернет поради големата заинтересираност, Nintendo ја релансира и „поновата“ SNES Classic конзола, кај нас подобро позната како Super Nintendo (Entertainment System).

Цената на конзолата ќе биде 80 долари, што е прилично малку за целата забава која може да ја пружи, особено што за оваа конзола се излезени веројатно едни од најдобрите Nintendo игри во историјата, како The Legend of Zelda: A Link to the Past и Super Mario World. Ова се само две игри од 21 инсталирани во самата конзола: Contra III: The Alien Wars, Donkey Kong Country, EarthBound, Final Fantasy III, F-ZERO, Kirby Super Star, Kirby’s Dream Course, Mega Man X, Secret of Mana, Star Fox, Star Fox 2, Street Fighter II Turbo: Hyper Fighting, Super Castlevania IV, Super Ghouls ’n Ghosts, Super Mario Kart, Super Mario RPG: Legend of the Seven Stars, Super Metroid, Super Punch-Out!! и Yoshi’s Island.

Како и NES Classic и SNES Classic има помали димензии од тие на оригиналната конзола и HDMI приклучок за нов телевизор. Со неа доаѓаат и два џојстици, нормално со кабел, кои можат да овозможат бесконечно уживање во многу од игрите кои поддржуваат играње со двајца играчи, како на пример Contra III: The Alien Wars, која е уште поинтересна ако ја играте заедно со пријател.

За 80 долари, колку што ќе чини SNES Classic кога ќе биде лансирана на пазарот на 29 септември, дефинитивно вреди она што се добива во пакувањето. И знам, многумина од вас не се убедени во шармот на ретро игрите, но како човек кој порасна со Nintendo конзолите, можам да ви гарантирам сигурна забава.

Извор: The Verge, Mashable, Forbes

Претходна статијаFacebook планира сериозен влез на пазарот на оригинална видео содржина?
Следна статијаInnCable е компјутер вграден во Ethernet кабел