Минатиот месец имавме можност да го отпакуваме и прочепкаме новиот MacBook Pro кој пристигна и стана достапен во продажба во iStyle. За потсетување, iSTYLE е водечки Apple Premium Reseller во Централна и Источна Европа кој има продажен салон во Skopje City Mall.
Сепак, она кое што повеќе го очекувавме беше моделот кој подоцна стана достапен во продажба, а кој доаѓа со новиот и интересен Touch Bar.
Овој модел минатата недела беше донесен во iSTYLE и како и минатиот пат, ја добивме можноста да го отпакуваме, разгледаме и да ви ги претставиме првите импресии.
За потсетување, Touch Bar е лента на тастатурата на лаптопот која ги заменува стандардните F копчиња. Лентата во основа е екран на допир, па корисниците добиваат различни копчиња зависно од тоа која програма ја користат. Навистина интересен додаток, а повеќе за истиот можете да видите во видеото во продолжение.