Од Samsung се очекува да го презентира новото продолжение од S-серијата со број 9, а гласините веќе велат дека што се однесува до изгледот уредот ќе ја следи шемата на неговите претходници со минимални измени. Измените веројатно ќе се однесуваат на елиминирање на рамката, тренд кој го следат речиси сите телефони од последната генерација. Па така, од предната страна на уредот, единствено ќе биде оставен мал простор кој ќе ги вдомува неопходните сензори.
#GalaxyS9 Some work left to it though pic.twitter.com/5DbuYTW4IJ
— Concepts-Creator (@CConceptCreator) September 15, 2017
Некои гласини отвораат простор за така наречениот модуларен изглед и функционалност на телефонот, нешто што е одамна разгледувано од речиси сите поголеми компании, меѓутоа никогаш не наиде на особен интерес. Имено, доколку ваквите гласини се потврдат како точни, уредот ќе биде опремен со магнети на кои би можеле да се додаваат модулите според потребата на корисникот.
and the rear #GalaxyS9 pic.twitter.com/xhbovQcvp0
— Concepts-Creator (@CConceptCreator) September 15, 2017
Што се однесува до процесорот, односно бојното поле каде Apple доминира, новата 9-ка на Samsung ќе биде опремена со 7 нанометарски процесор од типот Snapdragon 845 SoC, од кој се очекува, барем да парира (ако веќе не може да го победи) на А11 Bionic чипот на Apple.
Со цел да држи чекор со стандардите кои Apple ги постави, новиот модел ќе поседува двојна камера, опција за визуелно препознавање, безжично полнење, брзина на пренос на податоци од 1,2 Gbps и сл.
Една од најочекуваните промени која наводно ќе биде имплементирана во S9ката е сензорот за отисоци на прсти, во предниот дел, односно под екранот.
Извор: Inquisitr, Tom’sGuide