5 начини за прослава на Нова Година – Geek верзија

Напишано на 31.12.2016 - 19:03 од Ивица Милошески

Дојде и крајот на 2016-та година и како што многумина милуваат да кажат, најлудата ноќ во годината. Доколку сте некој што не сака дискотеки, гужви и сака најлудата ноќ да ја помине дома, еве неколку начини:

  1. Netflix

Netflix оваа година стана достапен и во Македонија. Не дека претходно немаше опција за да гледате филмови и серии, само ќе Ви требаше VPN за да можете да пристапите до содржината. Имате голем избор на филмови и серии.

  1. Dota

Играјте multiplayer со голем број на играчи онлајн и со нив прославете ја новата година.

  1. Lord of The Rings маратон

Секогаш е добра идеја за маратон од трилогијата Господар на Прстените.

  1. Чистење

Исчистете го Вашиот компјутер. Конечно можете во мир и спокој да го отворите сопствениот компјутер и да го исчистите. Можете и да ги подредите датотеките и папките. Од толку средување на туѓи компјутери знам дека немавте време сопствениот да го средите.

  1. Фотографирање

Земете го Вашиот DSLR (како достоен Geek верувам дека го имате) и фотографирајте ја прославата на плоштад или пак фотографирајте го славењето на комшиите. Само, внимателно иако знам дека сте достоен Geek, сепак Ви препорачувам малку да се социјализирате. Многу е подобро кога ќе бидете и Вие на фотографиите од прославите … Нека Ви е среќна Новата Година.

За Авторот

Јас сум Бетмен. Кога бев мал сакав да бидам космонаут, можеби затоа толку ги гледав Star Trek. Матрикс и Господар на Прстените можам да ги гледам по милион пати. Дете на транзиција. Ја сакам технологијата како што Мистер Бин го сака мечето. Заљубен во Apple. Навивам за Манчестер Јунајтед. Смрт за фашизмот!